Bagumbayan hinirit na i-accredit bilang political party

Umapela kahapon sa Comission on Elections (Comelec) and Bagumbayan Movement, binubuo ng mahigit 30,000 volunteers, para i-accredit sila bilang political party para sa 2010 elections.

Pinangunahan ni Leon Herrera ang pagsusulong sa formal petition para payagan ang Bagumbayan Volunteers for New Philippines.

“We want to present to the Filipino electorate a formidable roster of leaders who can guide our country out of dire circumstances and bring our people across the threshold of a better future,” sabi ni Herrera.

Positibo naman si Herrera na mabibigyan sila ng accreditation ng Comelec para mapabilang na political party ang Bagumbayan Movement, lalo na at aktibo naman ang grupo sa pagpapa-implementa ng political, social, economic at humanitarian projects.

Ang Bagumbayan ang nagsulong para makilala ang Olongapo City mula sa pagiging ‘Sin City’ sa ‘Model City’.

Ito rin ang naging daan para maging matagumpay ang pagtatag ng Subic Bay Metropolitan Authority at dayuhin ng halos 2 milyong investors mula 2001.