ORIENTASYON NG MGA DRIVERS PINAIGTING

Higit pang pa-iigtingin ng Sangguniang Panlungsod ang pagbibigay ng orientasyon sa mga pam-pasaherong drivers na umiikot sa mga lansangan ng Olongapo.

Ito ay sa bisa ng Ordinance No. 58 (Series of 2007) na may titulong ‘’An Ordinance Amending Section 1 of Ordinance No. 28, Series of 2005 Requiring All Drivers of Utility Vehicles for Hire to Attend a Defensive Driving Seminar.’’

Dito ay inaatasan ang lahat ng ‘’For Hire’’ Public Utility Jeepneys, ‘’For Hire’’ Public Utility Motorized Tricycles at ‘’For Hire’’ Public Utility Mini-Buses na suma-ilalim sa taunan o yearly orientation na may titulong ‘’Seminar On How To Be A Better Driver, A Defensive Driving Course’’.

Ang mga driver na hindi tatalima sa nasabing ordinansa ay hindi makakasama sa kinakailangang Annual Vehicle Inspection at hindi papayagan sa pag-re-renew ng kanilang Driver’s Identification Card na ibinibigay ng Pamahalaang Lokal. Magiging epektibo ang ordinansa sa buwan ng Enero 2008.

Pao/rem