Olongapo SubicBay BatangGapo Newscenter

Tuesday, October 23, 2007

TAPATANG OLONGAPO AT ANGELES PART - II

Muli na namang pinaluhod ng mga pambatong boksingero ng Olongapo ang mga katunggaling boksingero sa isinagawang Invitational Amateur Boxing Tournament- The Olongapo vs Angeles Fiesta Fight II nitong ika-20 ng Oktubre 2007. Sinaksihan ng mahigit isanlibong (1,000) manunuod sa Nepo Quadrangle, Angeles City ang sagupaan.

Inalay kay City Mayor James ‘’Bong’’ Gordon, Jr. nitong ika-22 ng Oktubre 2007 sa Flag Raising Ceremony sa Rizal Triangle Multi-Purpose Center ang trophy na napagwagian ng Olongapo Boxing Team sa limang (5) non-title fights na pinaglabanan kung saan tatlong (3) bouts ang napanalunan ng Olongapo.

Masayang tinanggap ni Mayor Bong Gordon ang pasalubong na trophy buhat sa mga ‘waging boksingero na pinangunahan ni Olongapo Boxing Team Head Coach Arsenio A. Perez, Jr.

Isa-isang ipinagmalaki ni Mayor Gordon ang mga matitikas na kabataang boksingerong nag-uwi ng karangalan sa lungsod kabilang na sina Larry Abarra (Bantamweight), Melchor Perez (Pinweight) at Ricardo Rivero (Flyweight).

Matatandaan na ang sumisikat ngayon sa boxing arena na si Artis Martin, Jr. ay nagsimula at sinanay sa ‘’Inter-barangay Boxing Tournament’’ na isa sa mga Sports Program ni Mayor Gordon at patuloy na nagsasanay sa Baguio City upang isabak sa susunod na ASEAN Games.

Samantala, patuloy pa ring naghahanap ang lungsod ng mga kabataang nais na lumahok sa mga susunod pang boxing competitions. Maaaring makipag-ugnayan sa City Disaster Management Office (DMO) o tumawag sa 224-7846 o kaya’y sa inyong mga sariling barangay halls.


Pao/rem

0 Comments:

Post a Comment

<< Home


 

This is a joint private blog of volunteers from Subic Bay. It is being maintained primarily to collate articles that may be of importance to decision making related to the future of Subic Bay and as a source of reference material to construct the history of Subic Bay.

The articles herein posted remains the sole property of original authors and publications which has full credits to the articles.

Disclaimer: Readers should conduct their own research and due diligence before using any article herein posted for whatever intended purpose it may be. This private web log will not be liable for any loss or damage caused by a reader's reliance on information obtained from volunteers of this private blog.

www.subicbay.ph, http://olongapo-subic.com, http://sangunian.com, http://olongapo-ph.com, http://oictv.com, http://brgy-ph.com, http://subicbay-news.com, http://batanggapo.com 16 January 2012