Olongapo SubicBay BatangGapo Newscenter

Saturday, December 10, 2005

P3-B buwis nakolekta sa SBMA

Ang Pilipino STAR Ngayon

SUBIC BAY FREEPORT – Lalong naka-ungos ang ekonomiya ng bansa mula sa pagkakasadsad nito dahil sa krisis-pulitika, makaraang makapangalap ng buwis ang Bureau of Customs-Port of Subic at Bureau of Internal Revenue (BIR) ng may P3 bilyon sa kaban ng gobyerno na puntirya sa pagtatapos ng 2005.

Sa collection target report na isinumite nina Customs Assessment Division Chief Atty. Carlito Pascua at BIR-Subic Regional District Officer Edgar Tolentino kay BIR Commissioner Jose Marie Bunag, nakakolekta ang BoC-Subic ng may P2 bilyong buwis mula sa tariff and duties ng mga imported goods simula noong Enero hanggang Oktubre 2005

Nalampasan ang koleksyon ng buwis noong 2004 na nakakolekta lamang ng P1.9-B, subalit ayon kay Pascua, magiging mas mataas pa ang kanilang makukuhang buwis dahil sa inaasahang pagdating ng mga imported goods at bulk materials ngayong Kapaskuhan at sa masigasig na pagbabayad ng multi-milyong taxes ng ilang mga oil companies sa Freeport.

Malaki rin ang naiambag sa koleksyon na ipinapasok na buwis ng Enforcement and Security Service-Customs-Police District (ESS-CPD) sa pamumuno ni ESS District Commander Capt. Ramon Policarpio dahil sa sunud-sunod na pagkakalambat ng mga ipinupuslit na mga luxury vehicles.

Sa nakuhang koleksyon naman ng BIR, sinabi ni Tolentino na nakapagtala ang kanilang tanggapan ng may P780-milyon mula sa ibinabayad ng may 60, 000 SBMA workers at mga imbestor simula ng Enero hanggang Oktubre 2005. (Jeff Tombado)

0 Comments:

Post a Comment

<< Home


 

This is a joint private blog of volunteers from Subic Bay. It is being maintained primarily to collate articles that may be of importance to decision making related to the future of Subic Bay and as a source of reference material to construct the history of Subic Bay.

The articles herein posted remains the sole property of original authors and publications which has full credits to the articles.

Disclaimer: Readers should conduct their own research and due diligence before using any article herein posted for whatever intended purpose it may be. This private web log will not be liable for any loss or damage caused by a reader's reliance on information obtained from volunteers of this private blog.

www.subicbay.ph, http://olongapo-subic.com, http://sangunian.com, http://olongapo-ph.com, http://oictv.com, http://brgy-ph.com, http://subicbay-news.com, http://batanggapo.com 16 January 2012